ඉතිහාසයේ ඇතැම් චරිත්ර ඔවුන් ජීවත් වූ කාලය ඉක්මවා, පරම්පරා ගණනාවක මතකය තුළ ජීවත් වෙති. අර්නස්ටෝ "චේ" ගුවේරා එවැනි චරිතයකි. ඔහුගේ මුහුණ ලොව පුරා පෝස්ටර්, ඡායාරූප සහ බිතුසිතුවම් මත නැවත නැවතත් මතු වුව ද, ඒ ප්රතිරූපය පිටුපස සිටි මිනිසා හඳුනාගැනීම එතරම් සරල කාර්යයක් නොවේ. විප්ලවවාදියකු, වෛද්යවරයකු, සංචාරකයකු, චින්තකයකු සහ සන්නද්ධ අරගලකරුවකු ලෙස ඔහු ගෙවූ ජීවිතය ඒකමාන වර්ගීකරණයට සීමා කළ නොහැකි තරම් සංකීර්ණ ය.  චේ, පිළිබඳ ලියැවුණු බොහෝ කෘති ඔහු වීරයකු ලෙස හෝ දුෂ්ටයකු ලෙස අර්ථ දක්වන්නට උත්සාහ කර ඇත. එහෙත් ඉතිහාසයේ එක්තරා යුගයක් නියෝජනය කළ මිනිසෙකු අවබෝධ කරගැනීම සඳහා එවැනි සරල නිගමන ප්රමාණවත් නොවේ. ඔහුගේ විශ්වාසයන් මෙන්ම සැකයන් ද, ඔහුගේ ජයග්රහණ මෙන්ම පරාජය ද, ඔහුගේ සිහින මෙන්ම ඔහුගේ ක්රියාවන්හි ප්රතිවිපාකද විමසා බැලිය යුතු ය. එවිට පමණක් ලෝකයට හුරු වූ එම මුහුණ පිටුපස සිටි සංකීර්ණ මිනිසා අපට හමු වෙයි.   එබැවින්, මෙය චේ පිළිබඳ අවසන් විග්රහයක් නොවේ; ඔහුගේ ජීවිතය දෙස නැවත වරක් විමසිලිමත්ව බැලීමට කරන ආරාධනයකි.